توسيدة 1
1ـ انا بغيت نكتب
وحتى شي حد ما شغلو فيا
نبني ولى نريب
ولى نشيَد قصور بكلامي ف العامية
وانت علاش معذب
وشاد الهدرة فيـا
انا بغيت نسخـّر عقلي يفتـّش ويقلـّب
ف غـوار الكون المحمية
ف منايا نفوّج على ذاك القلب
وف جنانات لكلام نخضّر عينيا
نجني وناكل ونعمّر لقراب
ونذوّق كل حبيب عزيز عليا
واللي ذاق وتلدّد وحلـّى ذاك النـّاب
وبجوابُو شاكـر رد عليا
صادق كان ولى مجاملني وتيكذب
علاش انت شاغل راسك بيا
يتبع
