يــــــــــا بــــــلادي
خفت عليك يا بلادي
و لبست سوادي
جمعت عوادي
خرجت من هم فكر شادي
كتبتو لولاد الشعب بمدادي
حروف مذهبة مصقلة
تعيش لولادي
تحارب الطلح بالصلاح
بلسان يكون مضا من السكين
تبرح بالحق شلا براح
بصوت تسمعو لودن تشوفو لعين
تدق لباب عندك لمفتاح
بكلمتك تحارب السين
تعبد خالق الطين ولرياح
بفقرك عشتي سنين
ترقد سارت لفراح
بهمك مكتف بحبل متين
تسكت زادت لجراح
يا شعب أنا ولدك ......
راه نشفت الدمعة من العين
شحال نبكي هذا نواح
يا داك الشعب المسكين
فين حقك فين راهو راح
كالوه دوك لعمين
لي و عودهم ليك كانت سلاح
دمروك سقطي فالحين
معيشتك ليهم افراح
شحال وجهك زين
او قلبك شر يغلي
لغلاف بالدين
ولخلاق دم صهيون يجري
تغلفةِ ستة بالعين
والشعب تعرى ستة وستين
