يا خليلي آش بيدي
فكلبي جمرة شاعلة عوافي تكدي
تحارب الظلم
لطريق الصح تهدي
يا خليلي آااش بيدي
هوما صحاب لملاعب
ومول شي هو لغالب
ويلى متيقتي حل عينيك اُواكب
تشوف كيف إولو مراتب
ويصبْحو لفلوس تتوالد
*********
يا خليلي أش بيدي
يـــــــا حــصـــرة
جاونا بحليب وثمرة
و طفاو الجمرة بجمرة
تلمو دارو سهرة
وحنا باركين عل لهضرة
نوضو يا أهل النبرة
راه لواد بقات فيه قطرة
ولا راضين بالظلم و لقهرة
سكات حسن تلفة موضرة
*************
يا خليلي آش بيدي
علي الصوت كسر لخوف
يد مع يد تتلاقى لكفوف
صف مع صف تتكون صفوف
وأنت يا لي بالمحبة ملفوف
خرج تمعن او شوف
راه ستار براسو مكشوف
لخير واضح والشر معروف
